هاوانین قارالتیسی چکیلمکده ایدی. قارین ایری دنهلری آغ اینجیلر تک اوینایا – اوینایا آشاغی گلیردیلر. گاهدان آذر آیینین او دونداریجی و یاخیجی یئلی اسیر، قاری هر یانا سپلهییردی.. یئل کوشولدویاراق، قبریستان کیمی اولان تبریزین ساکیت کوچهلرینده جؤولان ائدیردی. شهرین خیاوانلاریندا تکجه قارا چکمهلی و سیلاحلی ژاندارمالار بیرده سومسوک ایتلر گزینیردیلر.
Xiyavanın başından kirli ve çirkli paltar géyinmiş bir arıq, qısa boylu, qartal burunlu kişi dar bir küçeye döndü. Boozarmış kotu, yamaqlı qara şalvarı onun yoxsul olduğunu aydın gösterirdi. Habéle, qırışmış üzü, yaşının elliden artıq olduğunu bellendirirdi. Başındakı çal papağının da, özüce eskiliyi varidi! Bir çiyninden çoxlu iple bağlanmış elek, o biri çiyninden ise, néçe qaval aslanmışdı. Qırışıq çatlı ellerinde kiçik, ancaq gözel elvan mıncıqlar ve ince helelerle bezenmiş bir qaval oynayırdı...
ادامه مطلب ...
گون اورتادان بیر آز کئچمیشدی. دوستاقلیلار ناهارلارین تزه بیتیرمیشدیلر. یایین أن او ایستی گونلریندن بیری ایدی. هاوانین سیجاقلیغیندان بیر چوخ دوستاقلیلار بئحال حالدا تختلری اوستونده اوزانمیشدیلار. ایکینجی بندین بئشینجی اوتاغی اولدوقجا ساکیت گؤرونوردو. اوتاغین بیر طرفینده اؤزـ اؤزونه میزیلدایان تئلویزییادان علاوه باشقا بیر سس اوتاغین سسسیزلیگینی پوزموردو..