هر بیر اؤیکو و حئکایه چئشیدلی عنصورلرین بیر آرایا گلمهسیندن یارانیر. بو آرادا بئش اساس عنصور داها اؤنملی دیر. بو بئش عنصورلر بونلاردان عیبارت دیر. خاراکتئرلر، قورغو، تاسلاق ، چاتیشما (مناقشه) و چؤزوم یا قرار . بو بئش اساس عنصور، حئکایهنین روان شکیلده یاییلماسیندا و اوخوجو طرفیندن داوامینی اوخویوب ایزلمهسینی ساغلار.
خاراکتئرلر ((characters:
یازار طرفیندن یارادیلمیش و حئکایهده ایشتراک ائدهن فیزیکی شخص لردیلر. گرهکلی دئییل کی خاراکتئرلر همیشه اینسان اولسونلار.. بعضا حئیوانلار و اشیالار دا اولورلار. یازار بو خاراکتئرلر حاققیندا یئترینجه بیلگی وئرمهلیدیر. بو بیلگیلر اساسیندا اوخوجو خاراکترلری تانییا بیلیر. بو خاراکتئرلرین فیزیکسل اؤزهللیکلر و شخصیت علامتلرینی اطرافلی تصویر ائتمکله الده ائدیلیر. هر بیر حئکایهنین اساس (آنا) بیر خاراکتئری اولمالیدیر. آنا خاراکتئر گلیشهرک حئکایهنی ایرهلی آپاریر و اونون اطرافیندا قورولان پروبلئم و دویونلر آچیلیر. حئکایهده بیر و یا ایکینجی و یا باشقا خاراکتئرلرده اؤنملیدیرلر. اونلار حئکایهده داشیدیغی رول و ایفادهلری ایله معین و اؤنملی بیلگیلری اوخوجویا چاتدیریرلار. یازار عمومیتده باشقا خاراکترلرین دیلیندن بیر چوخ بیلگیلری اوخوجویا چاتدیریر.. بوتون خارکتئرلر داشیدیغی رول و ایفادهلرینده صادق قالمالیدیرلار. بئلهلیکله اوخوجو اونلارا اینانا بیلر. اونلارین سونراکی عمل و ائدهجکلرینه یاناشیر یا دا منیمسهیه بیلر.
قورغو (Setting):
قورغو حئکایهنین باش توتان و فعالیت (Action) یئریدیر. بعضا بونو «صحنه» کیمی ده آچیقلاییبلار. بیر یازار حئکایهنین باش وئرهن یئرینی تصویر ائتمهلی و بوتون آیرینتیلاری آچیقلامالیدیر. بئله بیر شکیلده اوخوجو یازار طرفیندن گؤستریلمیش صحنهنی گئرچک و رئال کیمی دویا بیلر و اونلا ایلگی قورماغا باشلار. غیر عادی صحنهلر مثلا ( فانتئزی دونیا چوخ ماراقلی و چکیجی دیر) آنجاق هر گون راستلاشدیغیمیز دویولو بیر قورغو اوخوجویا داها اینانجیل و داها تئز حئکایه ایله ایلگی قورماغا یاردیملی اولا بیلر. حئکایهده مختلف زامان و مکانلاردا چئشیدلی قورغولار اولا بیلر.
تاسلاق: (Plot):
تاسلاق بیر حئکایه و یا کیتابین باشدان باشا وار اولماسینی ساغلار. باشقا سؤزله حئکایهده باش وئرهن حادیثهلرین نییه و نهدنی دیر. تاسلاق اصلینده حادیثهلرین، خاراکتئرلرین آراسیندا اولان آغیلا سیغان ایلگیلری آچیقلایاندیر. بیر واقعه نهدن باش وئریر و نهجور اولاجاقدیر و نئجه اولمالیدیر. بعضا یانلیش شکیلده تاسلاغی حئکایهنین خلاصهسی کیمی دئییرلر. آنجاق تاسلاق سادهجه حادیثه و واقعهلرین سؤیلهنیشی دئییل تاسلاق اونلاری منطقه اویغون شکیلده ایلگیلرینی ده آچیقلایاندیر.
چاتیشما، مناقشه (CONFLICT):
هر حئکایهده چؤزولمهک اوچون بیر و یا نئچه دویون و پروبلئم واردیر. تاسلاق بونلارین اورتاسیندا یئر آلیر. خاراکتئرلر پروبلئمی چؤزمک اوچون مختلف یوللارا اوز توتورلار. حئکایه ادبیاتیندا عمومیتده چاتیشما آنا خاراکتئر و اونا قارشی اولان گوج و مخالیف قوهلر آراسیندا اولور. بو مخالیف قووهلر ، مخالف خاراکتئرلر، مانعلر و طبیعی ندهنر اولا بیلرلر.. بو چاتیشمالارین ان گوجلو یئری حئکایهنین یوکسک یئری (climax) آدلانیر. بو نقطه ده خاراکتئلرده و یا حئکایهنین حادیثهلرینده اؤنملی دهییشیم باش وئریر. بعضی یازارلار بو نقطهنی حئکایهنین سونو قرار وئریرلر.
چؤزوم، قرار (Resolution):
چؤزوم تاسلاغین فعالیته کئچمهسینین دوغال سونوجودور. مخالیف گوج و خاراکتئرلر بیر بیرلرینه سون دفعه قارشی گلیب حئکایهنین یوکسک یئرینی climax یاراتدیغی زامان، چؤزوم منطقه اویغون اولاراق اورتایا چیخیر. بوتون دویونلر آچیلیر و تاسلاق سونوج وئریر. اوخوجو حئکایه نین نه اولدوغونو آنلاییر و یازینین دویونلری آچیلمیش اولور.
- بو یازیدا اینگلیسجه کلمهلرین قارشیلیغینی آنا دیلیمیزده آختارماقدا، حؤرمتلی قلمداش و دیرلی یازاریمیز «توغرول آتابای»ین نظرلری اساس سئچیلمیشدیر.
- بو یازی The Five Essential Elements Of A Story مقالهیه دایاناراق یازیلمیشدیر. تاسوفله مقالهنین یازارینین آدی وئریلمهمیشدیر.
تشکورلرچوخ ساغولون
سلاملار هر واختینیز خیر.عشق اولسون سیزه.منه ده باش چکسه نیز سئوینه رم.www.sadaflisaz.blogfa.com
سلام حؤرمتلی حمید آرغیش جنابلاری
اؤیکو یازماق اوچون دیرلی یازینیزی اوخویوب اؤیرنمهیه چالیشدیم. قلمینیزه آلقیشلار.
ساغ اولون.گؤزلییدی