گونئی آذربایجان حئکایه ادبیاتی
حمید آرغیش - ین حئکایه و مقاله‌لری
گونئی آذربایجان حئکایه ادبیاتی
حمید آرغیش - ین حئکایه و مقالهلریآذربایجان حکایه یازاری " حمید آرغیش " ایله دانیشیق
علیرضا ذیحق
آذربایجان حکایه یازاری " حمید آرغیش " ایله دانیشیق
حمید آرغیش آذربایجانین چاغداش یازیچی لاریندان دیر کی ایللر دیر حکایه ژانریندا چوخلی اثرلرین یارادیجی سی اولوبدور . اونون نشرائتدی یی حکایه توپلولاریندان باشقا ، " 80ایل حکایه میز " آدلی دولغون مضمون لو بیر تدقیقی اثری ده واردیر کی بیر یول چاپ اولسادا یئنه اوکیتابی تکمیل لش دیرمه یه چالیشیر . حمید آرغیش چالیشقان بیر یازیچی اولاراق تاریخی و ایجتیماعی مضمون لارلا اثرلرینی دولغون لاشدیریری . او ادبی محفیل لردن اوزاق گزسه ده و تنهالیقی سئوسه ده بوتون آذربایجان مکتوب ادبیاتینا وورغون اولانلار اونو تانی ییر و سئویرلر. حمید آرغیش ین حکایه لری دؤنه لر له اؤلکه دیشیندا ایسه مطبوعات دا و کیتابلاردا یئر آلیب دیر. بو یارادیجی اینسانی داها آرتیق تانیماق اوچون بیر مصاحیبه ترتیب وئره رکن امود ائدیریم گوجلو قلمی له همیشه آنادیلیمیزین فخری اولالار : ادامه مطلب ...
آدسیز مزار کیتابی ایشیق اوزو گوردو
بو سون گونلر اوزون ایللر اؤنجه دن چاپا حاضیرلادیغیم آدسیز مزار کیتابیم ایشیق اوزو گؤردو. سئویندیریجی بو کی کیتابین حئکایه‌لری سانسورا راستلاشمادی و تقریبا ایسته‌دیگیم کیمی یایینلاندی. کیتابا اون حئکایه و دورد کیبریتی حئکایه داخیل دیر.
کیتاب محدود سایدا نشر ائدیلمیشدیر. خوی شهرینده کیتاب "مطبوعاتی شهریار" دا ایندی ساتیشدا دیر. باشقا شهرلره ده دوستلارین یاردیمیله گوندریله‌جک. آنجاق پست واسیطه‌سیله ده کیتابی الده ائتمک ایمکانی وار.
پلمه لی سحر
ایره‌لی‌دن
اوزونه چارپان سازاغین قارشیسیندان قاچماق اوچون، باشینی آشاغی سالیب، گؤزلرینی
یئل‌قوْوانین اؤن تکه‌رینه سانجانان قیزیل گوللرینه زیلله‌میشدین.. قایناغی بللی
اولمایان بیر کؤنول اوخشایان گول قوخوسو بورونونو تومارلاییردی. خیاوانین
اورتاسینا چکیلمیش آغ قالین جیزگی، نارین ـ نارین سپه‌لنمکده اولان اینجه پامبیق
کیمی ایشیلدایان قارین دنه‌لری آلتیندا ایتمیش ایدی. گئجه‌دنیاغماغا باشلایان و آغ
اؤرتویونو هر یانا دؤشه‌مکده اولان قارین اوجالیغی توْپوغاجان چاتاردی.
آدسیز مزار
قیزیل دیش دالانی‌نین باشیندا دایاندی. هاوانین شاختا و سویوغوندان بوز باغلاماقدایدی بارماقلاری.. تیتره‌ین اللرینی آغزینا طرف آپاردی. نئچه لحظه ایستی نفسینی زورلا بوکولموش بارماقلاری آراسینا پوفله‌دی. قیزارمیش بارماقلاریندا آزاجیق سیجاقلیق دویدو.
قارما – قاریشیق فیکیرلر بیر آن اونو بوراخماییردی. گؤردوکلری صحنه‌لر، ائشیتدیکلری سوزلری دوغرو و دوزگون قاورایانماییردی. آرخاسینا دوشن‌لری زورلا آتلایا بیلمیشدی. دریندن تؤوشه‌دی. بیر داها ساکیتله‌شیب دورومو اله آلماغا چالیشدی.
یئددی نار
7 حئکایه و بیر قیسا مقاله‌دن اولوشان یئدی نار کیتابی 1379 دا خویدا نشر ائدیلمیشدیر. کیتابی توپلایان نادر ائلخان دیر.
کیتابی آشاغیداکی لینکدن دانلود ائده بیلرسیز
خرداد - حمید آرغیش
ـ اللریزی دولون ایره لی گلین!...
دئییب، اوزومه باخدی.
ـ اؤزونو اوخودما.. ـ رسول دئدی ـ نورمال اولاراق داوران.. سانکی هئچ بیر شئی یوخ کیمی.. باشقا بیر زادا فیکیر وئر..
اللر، یومروق اولاراق ایره‌لی گلدی.. سککیز ال ـ سککیز یومروق..
ادامه مطلب ...